घर फर्कन चितवन प्रशासनमा ७५ भारतीयको निवेदन
<p>चितवन। यहाँ रहेका ७५ जना भारतीयले घर फर्कन चाहेको भन्दै नाम दर्ता गराएका छन्।</p>
<p>जिल्ला प्रशासन कार्यालय चितवनले घर फर्कन चाहने भारतीयलाई नाम दर्ता गर्न आव्हान गरेको थियो।</p>
<p>हिजो दिउँसो ३ बजेसम्मका लागि दिइएको समयमा नाम टिपाएकाहरूको विवरण भारतीय दूतावास पठाइएको जिल्ला प्रशासन कार्यालय चितवनका सूचना अधिकारी ईश्वर सिम्खडा बताए।</p>
<p>संकलन गरिएको विवरणमा नाम, ठेगाना र कुन नाकामार्फत घर फर्कनु पर्ने हो विस्तृत जानकारी पठाइएको छ।</p>
<p>भारतीय राजदूतावासले जिल्लामा रहेका भारतीय नागरिकको विवरण सङ्कलन गरेर पठाइदिन आग्रह गरेपछि घर फर्कन चाहने भारतीय नागरिकको विवरण संकलन गरिएको प्रशासनले जनाएको छ।</p>
<p>दूतावासमा नामावली पठाएपछि पनि थप व्यक्ति सम्पर्कमा आएका छन्।<em> रासस</em></p>
प्रतिक्रिया दिनुहोस्
.jpg)
