कोरोना भाइरस उत्पत्तिको कुनै प्रमाण छैनः विज्ञ
<p>बेइजिङ। चिनियाँ सरकारी अधिकारी र विज्ञहरूले चिनियाँ प्रयोगशालामा कोरोना भाइरसको उत्पत्ति भएको वासिङ्टनको आरोप पुष्‍टि गर्न कुनै वैज्ञानिक आधार उपलब्ध नभएको स्पष्‍ट पारेका छन्।</p>
<p>अमेरिकी राष्‍ट्रपति डोनाल्ड ट्रम्पले बारम्बार चीनको वुहानस्थित प्रयोगशालाबाट कोरोना भाइरस उत्पत्ति भएको दाबी गर्दै आएका छन्। अमेरिकी विदेशमन्त्री माइक पम्पियोले पनि राष्‍ट्रपति ट्रम्पकै दाबी पछ्याउँदै आफूहरूसँग स्पष्‍ट आधार रहेको बताउँदै आएका छन्।</p>
<p>तर, दुवैले त्यसको स्पष्‍ट आधार अगाडि सार्न सकेका छैनन्। अमेरिकी सेनाकै जोइन्ट चिफ अफ स्टाफ मार्क मिल्लेले पनि राष्‍ट्रपति ट्रम्पको दाबी स्थापित हुने आधार नभएको बताइसकेका छन्।</p>
<p>समाचार एजेन्सी सिन्हवाका अनुसार कोरोना भाइरस मानव निर्मित भएको सम्भावना कमजोर रहेको अमेरिकाका संक्रामक रोग विज्ञ तथा स्वास्थ्य अधिकारी एन्थोनी फौसीले स्पष्‍ट पारेका छन्। </p>
<p>गत मंगलबार अमेरिकी माथिल्लो सदन सिनेटमा रिपब्लिकन सांसद जोन र्‍याटक्लिफको प्रश्नको स्पष्‍ट जवाफ दिन राष्‍ट्रपति ट्रम्पले सकेनन्। </p>
प्रतिक्रिया दिनुहोस्
.jpg)
