धनगढीमा काेरोना अस्पताल, निर्माण कार्य अन्तिम चरणमा
<p>कैलाली। सामाजिक विकास मन्त्रालयमार्फत् धनगढीमा निर्माण भइरहेको कोरोना अस्पतालको निर्माण कार्य अन्तिम चरणमा पुगेको छ।</p>
<p>९४ लाख ६ हजार रूपैयाँमा ठेक्का सम्झौता भएको उक्त भवन किनारा कन्स्ट्रक्सनले निर्माण गरिरहेको छ। </p>
<p>कोरोना अस्पतालको निर्माण कार्य ९६ प्रतिशत सम्पन्न भएको स्वास्थ्य कार्यालय धनगढीका प्रमुख लालबहादुर धामीले बताए।</p>
<p>उनले ढोका जोड्ने, बाथरुममा धारा र बेसिन जोड्ने बाहेकका सबै काम सम्पन्न भइसकेको बताए। रंग लगाउने कार्य भने अन्तिम चरणमा पुगेको धामीले जानकारी दिए।</p>
<p>उनका अनुसार एक महीनाभित्र निर्माण सम्पन्न गर्नुपर्ने लक्ष्यअनुसार निर्माण भइरहेको र तोकिएकै अवधिमा निर्माण पूरा हुनेछ।</p>
<p style="text-align:center"><img alt="" height="900" src="https://www.dekhapadhi.com/storage/photos/shares/COVID-19/corona hospital sudddor.jpg" width="1200" /></p>
<p> </p>
प्रतिक्रिया दिनुहोस्
.jpg)
