चीनले अनुदान दिएका स्वास्थ्य सामग्री हस्तान्तरण
<p>काठमाडौं। मित्रराष्ट्र चीनले अनुदानमा दिएका स्वास्थ्य सामग्री आज नेपाललाई हस्तान्तरण गरिएको छ। नेपालका लागि चिनियाँ राजदूत होउ यान्छीले स्वास्थ्यमन्त्र भानुभक्त ढकालाई उक्त सामग्री हस्तान्तरण गरेकी हुन्। </p>
<p>आज ती सामग्री हस्तान्तरण गर्ने कार्यक्रममा सहभागी हुन पाँउदा आफू औधि खुशी भएको भन्दै उनले <a href="https://twitter.com/PRCAmbNepal/status/1259760692669804544" target="_blank">ट्वीट गरेकी छन्</a>। उनले कोरोना भाइरस सिर्जित महामारीविरूद्धको लडाईंमा विजयी हुने भन्दै यो (सहयोग) केवल शब्द मात्र नभएर 'एक्सन' हो भनेकी छन्। </p>
<p>हिमालय एअरलाइन्सको जहाजमार्फत् ती स्वास्थ्य सामग्री <a href="https://dekhapadhi.com/news/12272" target="_blank">२७ वैशाखमा काठमाडौं ल्याइएको थियो</a>। टेस्टिङ किट, एन ९५ मास्क, सर्जिकल मास्क, डिस्पोजेवल कोभरअल्स, मेडिकल गगल्स लगायतका सामग्री हस्तान्तरण गरिएको भए पनि चीनले नेपाललाई अनुदानमा कति सामाग्री दिएको भन्ने खुलाइएको छैन।</p>
<p style="text-align:center"><img alt="" height="477" src="https://www.dekhapadhi.com/storage/photos/shares/Politics/China Aid Medical Equipment.jpeg" width="1048" /></p>
<p> </p>
प्रतिक्रिया दिनुहोस्
.jpg)
