संसद बैठक : पूर्वबजेट छलफलमा उठेका प्रश्नको अर्थमन्त्रीले जवाफ दिने
<p>काठमाडौं। संसदको आजको बैठकमा पनि पूर्वबजेटमाथिको छलफल निरन्तरताको कार्यसूची छ।</p>
<p>प्रतिनिधि सभा बैठक आज बिहान ११ बजेदेखि बस्दैछ।</p>
<p>अर्थमन्त्री डा. युवराज खतिवडाले प्रस्तुत गरेको २०७७/७८ को लागि विनियोजन विधेयकका सिद्धान्त र प्राथमिकता (कर प्रस्ताव बाहेक) सम्बन्धमा आज बैठकमा छलफल हुने कार्यसूची छ।</p>
<p>यसमा उठेका प्र‍श्‍नहरूको अर्थमन्त्रीले जवाफ दिने संघीय संसदका महासचिव डा. भरतरात गौतमले बताएका छन्।</p>
<p>अर्थमन्त्री खतिवडाले बजेट अधिवेशनको पहिलो बैठकमा आगामी आर्थिक वर्षको बजेट मुलतः कोभिड-१९ ले असर पारेको क्षेत्रको पुनरूत्थानमा केन्द्रित हुने बताएका थिए।</p>
<p>स्वास्थ्य पूर्वाधार विकासमा विशेष ध्यान दिने, समाजवाद उन्मुख आर्थिक प्रणाली स्थापना गर्ने र नागरिकको तीब्र विकासको अपेक्षालाई ध्यान दिएर आगामी बजेट बनाउने मन्त्री खतिवडाको प्रतिवद्धता थियो।</p>
प्रतिक्रिया दिनुहोस्
.jpg)
