प्रधानमन्त्रीले दिए नर्सहरूलाई शुभकामना
<p>काठमाडौं। प्रधानमन्त्री केपी शर्मा ‌ओलीले विश्‍व नर्स दिवसको अवसरमा सम्पूर्ण नर्सहरूमा शुभकामना दिएका छन्।</p>
<p>प्रधानमन्त्री ओलीले ट्वीटमार्फत् 'कोभिड-१९ महामारी विरूद्धको युद्धमा अग्र मोर्चामा रही सेवा प्रदान गर्ने' नर्सलाई शुभकामना दिएका हुन्।</p>
<p>अन्तराष्ट्रिय नर्सिङ काउन्सिल (आईसीएन) को आव्हानमा हरेक वर्षको मे १२ तारिखमा विश्वभर नर्स दिवस मनाउने गरिएको छ।</p>
<p>आफू तथा परिवारभन्दा माथि उठेर सँधै बिरामीको सेवामा समर्पित हुने नर्सहरूको सम्मान गर्दै यो दिवस मनाउने गरिएको हो।</p>
<p> कोभिड-१९ को उपचारमा जोखिम मोलेर फ्रन्टलाइनमा खटिइरहेका नर्सहरूका कारण भिन्‍न परिस्थितिबीच यस वर्षको नर्स दिवसको महत्व अझ बढी छ।</p>
प्रतिक्रिया दिनुहोस्
.jpg)
