कपिलवस्तुका ६ संक्रमितलाई बुटवलको कोरोना अस्पताल पठाईंदै
<p>जीतपुर। हिजो साँझ कोरोना पुष्‍टि भएका कपिलवस्तुका ६ जनालाई अहिले बिहान बुटवल पठाउने तयारी गरिएको छ।</p>
<p>उनीहरूलाई बुटवलको कोरोना विशेष अस्पताल पठाइने कपिलवस्तुका प्रमुख जिल्ला अधिकारी दीर्घनारायण पौडेलले बताए।</p>
<p>संक्रमितमध्ये कपिलवस्तुको यशोधरा गाउँपालिका-८ र बुद्धभूमि नगरपालिका-७ निवासी १५, १९, २३, ३०, ३२ र ३८ वर्षीय पुरुष रहेको स्वास्थ्य मन्त्रालयले जनाएको छ।</p>
<p>कपिलवस्तुको बुद्धभूमिस्थित क्वारेण्टाइनमा बसेका दुई जनामा संक्रमण पुष्टि भएपछि पनि अरुबाट अलग नराखेको भन्दै क्वारेन्टाइनमा बसेका अन्यले असन्तुष्टि जनाएका छन्।</p>
<p>यसैबीच कपिलवस्तुबाट तीन दिनअघि काठमाडौं स्वाब परीक्षणका लागि पठाइएका २९० मध्ये २५२ जनाको नतिजा आउँदा १६ जना संक्रमित थपिएको जिल्ला स्वास्थ्य कार्यालयले जनाएको छ। </p>
<p>हिजो, २९ वैशाख बिहान १० जनाको संक्रमण पुष्टि भएकामा साँझ पुनः ६ जना थपिएका हुन्।</p>
<p>यसअघि मायादेवी र शुद्धोधनका पाँचजना संक्रमितसहित कपिलवस्तुमा कूल २१ जनामा कोभिड-१९ देखिएको छ।</p>
<p>स्वास्थ्य मन्त्रालयबाट कपिलवस्तु जिल्लामा थप स्वास्थ्य सामग्रीसहित चिकित्सकको टोली आउने भएको छ।</p>
<p>मन्त्रालयले आवश्यक पीसीआर, आरडीटी किटलगायत स्वास्थ्य सामग्रीसहितको विज्ञ टोलीलाई आजै काठमाडौँबाट कपिलवस्तुका लागि पठाउने तयारी गरिरहेको संघीय सांसद एवं पूर्वमन्त्री चक्रपाणी खनालले बताए। <em>रासस</em></p>
प्रतिक्रिया दिनुहोस्
.jpg)
