आर्थिक संकटबाट जोगिन साउदी अरेबियाको कठोर कदम : भ्याटको दर तेब्बर, कर्मचारीको भत्ता कटौती
<p>रियाद। कच्चा तेलको मूल्यमा भारी गिरावटपछि उत्पन्‍न जटिल आर्थिक परिदृश्यबाट पार पाउने झिनो आशाका साथ साउदी अरेबियाले कठोर कदम उठाएको छ।</p>
<p>मूल्य अभिवृद्धि कर (भ्याट)को दर तेब्बर बनाउने र सरकारी कर्मचारीहरूले पाउँदै आएको भत्ता बन्द गरिएको अर्थमन्त्रीले घोषणा गरेका हुन्। कोरोना भाइरसको संक्रमणका कारण विश्‍व बजारमा तेलको माग ह्वात्तै घटेपछि साउदी अरेबिया आर्थिक संकटमा परेको हो। विश्‍वका प्रमुख तेल उत्पादक मुलुकमध्येको एक हो, साउदी अरेबिया।</p>
<p>१ जुनदेखि लागू हुने गरी भ्याटको दर पाँचबाट प्रतिशत पुर्‍याइने अर्थमन्त्री मोहम्मद अल-जदानले बताए। उनका अनुसार सोही मितिबाट कर्मचारीको भत्ता पनि कटौती गरिँदैछ।</p>
<p>“यो पीडादायक उपाय हो तर आर्थिक र वित्तीय स्थायित्व कायम राख्न सरकार यस्तो उपाय अपनाउन बाध्य भयो,” मन्त्री अल-जदानले भने, “क्षती न्यूनीकरणका लागि उठाइएको कदम हो यो।”</p>
<p>साउदी अरेबियाका राजा सलमानले सन् २०१८ मा खाना पकाउने ग्यासमा बढोत्तरीपछि कर्मचारीहरूलाई मासिक एक हजार रियाल भत्ता घोषणा गर्दै भ्याट प्रणाली लागू गरेका थिए।</p>
प्रतिक्रिया दिनुहोस्
.jpg)
