संक्रमित भेटिएको सप्तरीको हटैल गाउँ 'सिल' गरियो
<p>सप्तरी। सप्तरीको डाक्नेश्वरी नगरपालिका-३ मा हिजो फेला परेका कोरोना भाइरस संक्रमित युवकको गाउँलाई 'सिल' गरिएको छ।</p>
<p>जिल्ला सुरक्षा समितिको बैठकले संक्रमणको जोखिम रोक्न डाक्नेश्वरी नगरपालिका-३ हटैलटोल र आसपास क्षेत्रलाई 'सिल' गर्ने निर्णय गरेको सप्तरीका प्रहरी उपरीक्षक कृष्ण प्रसाईँले जानकारी दिए।</p>
<p>९ वैशाखमा चितवनबाट घर आएका १८ वर्षीय युवकमा २९ वैशाखमा कोभिड-१९ पुष्‍टि भएको हो।</p>
<p> लकडाउनको समयमा घर आएका उनीसहित १३ जनालाई कन्तचन्द्र मावि पातोको क्वारेन्टाइनमा थिए।</p>
<p>अहिले ती युवकलाई राजविराजस्थित गजेन्द्रनारायण सिंह अस्पतालको आइसोलेसनमा भर्ना गरिएको छ।</p>
<p>२५ वैशाखमा उनको स्वाब संकलन गरिएको थियो।</p>
<p>रिपोर्ट नआउँदै क्‍वारेन्टाइनबाट सिधै घर गएका युवकको पछि रिपोर्ट आउँदा पोजिटिभ देखिएको हो।<br />
<br />
यसैबीच उनका परिवारसहित उनको सम्पर्कमा आएका सबै व्यक्तिको कोरोना परीक्षण गर्न लागिएको जिल्ला प्रशासन कार्यालय सप्तरीका सूचना अधिकारी आनन्द ठाकुरले बताए।</p>
<p>उनीसँगै क्वारेन्टाइनमा रहेका अन्य व्यक्ति तथा उनका परिवारजनसहित उनीसँग सम्पर्कमा आएका अन्य सबै व्यक्तिको स्वाब परीक्षण गरिने छ। <em>रासस</em></p>
प्रतिक्रिया दिनुहोस्
.jpg)
