Others

गृहपृष्ठ

राष्ट्रपति भण्डारी र जापानका प्रधानमन्त्री आबेबीच भेटवार्ता काठमाडौं । राष्ट्रपति विद्यादेवी भण्डारी र जापानका प्रधानमन्त्री सिन्जो आबेबीच आज भेटवार्ता भएको छ । टोक्योस्थित आकासाका प्यालेस, स्टेट गेष्ट हाउसमा बिहान भएको भेटवार्तामा गृहमन्त्री रामबहादुर थापा, परराष्ट्र सचिव शङ्करदास वैरागी, जापानका लागि नेपालका राजदूत प्रतिभा राणा, राष्ट्रपति कार्यालयका सचिव डा. हरि पौडेल, राष्ट्रपतिका प्रमुख स्वकीय सचिव डा. भेषराज अधिकारी तथा जापानी पक्षबाट उच्चपदस्थ पदाधिकारी सहभागी थिए ।   जापानी सम्राट् नोरुहितोको शुभराज्याभिषेकमा सहभागी हुन राष्ट्रपति भण्डारीसहितको नेपाली प्रतिनिधिमण्डल आइतबार राजधानी टोक्यो पुगेको छ । म्यान्माका राष्ट्रपति उ विन मिन्तको मैत्रीपूर्ण निमन्त्रणामा म्यान्माको पाँचदिने राजकीय भ्रमण पूरा गरी राष्ट्रपति भण्डारी नेतृत्वको प्रतिनिधिमण्डल आइतबार राति जापान पुगेको हो ।  जापानी सम्राट् नोरुहितोको शुभराज्याभिषेक ५ कात्तिकमा स्थानीय समयानुसार अपराह्न १ बजे इम्पेरियल प्यालेसको सेदेन स्टेट हलमा हुँदैछ । राज्याभिषेक समारोहमा सहभागी भई नेपाली प्रतिनिधिमण्डल ६ कात्तिकमा स्वदेश फर्कने छ ।रासस