संसद सचिवालयको आग्रह- ‘माननीयज्यूहरू, कृपया बैठक अवधिभर मास्क लगाइदिनुस्’
<p>काठमाडौं। संसद् सचिवालयले संसद् बैठक तथा समितिका बैठकहरूमा सहभागी हुँदा अनिवार्य रूपमा बैठक अवधिभर मेडिकल मास्कको प्रयोग गर्न आग्रह गरेको छ।</p>
<p>सचिवालयले स्वास्थ्य तथा जनसंख्या मन्त्रालयबाट खटिएको चिकित्सकसहितको टोलीको सुझावका आधारमा सांसदहरूलाई १३ वटा नियममा बसिदिन आग्रह गरेको हो। <br />
यस्तै सुरक्षाकर्मीहरू र सहयोगी कर्मचारीहरूलाई भिडभाड नगर्न र बैठक अवधिमा सकेसम्म आ-आफ्नो सवारीसाधन भित्र बस्‍न लगाउन पनि भनेको छ। </p>
<div style="text-align:center">
<figure class="image" style="display:inline-block"><img alt="" height="280" src="https://www.dekhapadhi.com/storage/photos/shares/Politics/96515599_669481286955929_3197843390867701760_n.png" width="433" />
<figcaption>प्रतिनिधिसभाको हिजोको बैठकमा बिनामास्क उपस्थित कांग्रेस सांसद गगन थापा ।</figcaption>
</figure>
</div>
<p>सभा भवनमा प्रवेश गर्नुअघि र बैठकबाट बाहिरिँदा अनिवार्य साबुन पानीले हात धुन पनि आग्रह गरिएको छ। यस्तै सभा भवनभित्र प्रवेश गर्न र बाहिर निस्कन तोकिएका छुट्टाछुट्टै प्रवेशद्वारको प्रयोग गर्न पनि भनिएको छ।</p>
<p>संसद् सचिवालयले सभा हल भित्र बस्‍न संकेत गरिएको कुर्सीमा मात्र बस्‍न, बैठक हल, लबीलगायत स्थानमा बस्दा, समूहमा कुराकानी गर्दा र छलफल गर्दा सामाजिक दूरी कायम गर्न, नियमित रूपमा ह्यान्ड स्यानिटाइजर प्रयोग गर्न, आफूलाई स्वास्थ्यसम्बन्धी कुनै पनि समस्या भएमा तुरुन्त स्वास्थ्यकर्मीलाई खबर गर्न पनि आग्रह गरेको छ।</p>
<p>यस्तै चमेना गृहमा एक पटकमा एउटा टेबल एक जनाले मात्र प्रयोग गर्न र बैठकपछि घरमा गई स्वयम् एकान्तबासको नियमहरूको पालना गर्न पनि भनिएको छ। कोरोना भाइरसको संक्रमणको जोखिम न्यूनीकरणका लागि संसद सचिवालयले सांसदहरूका लागि यस्तो आग्रह गरेको हो।</p>
प्रतिक्रिया दिनुहोस्
.jpg)
