सिंगापुरको चाँगी विमानस्थलले बन्द गर्यो दुई टर्मिनल
<p>सिंगापुर। विश्‍वकै अति व्यस्त मानिने सिंगापुरको चाँगी विमानस्थलले आफ्नो अर्को टर्मिनल पनि बन्द गरेको छ।</p>
<p>विमानस्थलले आफ्नो टर्मिनल नम्बर २ बन्द गरेको हो।</p>
<p>उक्त विमानस्थलले यसअघि आफ्नो टर्मिनल नम्बर ४ पनि बन्द गरेको थियो।</p>
<p>टर्मिनल नम्बर २ आगामी १८ महीनाका लागि बन्द गरिएको विमानस्थलले बताएको छ। टर्मिनल-४ का लागि भने कुनै समय तोकिएको छैन।</p>
<p>कोभिड-१९ को महामारीका कारण तत्काल हवाई यात्रीको संख्यामा भएको तीव्र गिरावट तथा भविष्यमा पनि हवाई यात्रु बढ्ने सम्भावना कमजोर देखिएकाले टर्मिनलहरू बन्द गर्नु परेको विमानस्थलले जनाएको छ।</p>
प्रतिक्रिया दिनुहोस्
.jpg)
