बाँकेका पहिलो संक्रमितको दोस्रो परीक्षण नतिजा पनि पोजिटिभ
<p>कोहलपुर। बाँकेका पहिलो कोरोना संक्रमित ब्यक्तिको दोस्रो पटक गरिएको कोभिड-१९ परीक्षण नतिजा पोजिटिभ देखिएको छ।</p>
<p>नेपालगञ्‍ज उपमहानगरपालिका-७ निवासी ६० वर्षीय संक्रमित पुरुषको दोस्रो पटक गरिएको परीक्षणमा पनि पोजिटिभ भेटिएको भेरी अस्पताल नेपालगञ्‍जका मेसु डा. प्रकाश थापाले बताए।</p>
<p>पहिलो परीक्षणमा संक्रमण पुष्‍टि भएको र त्यसको सात दिनपछि गरिएको पुनः परीक्षणमा पनि रिपोर्ट पोजिटिभ नै आएको थापाको भनाई छ।</p>
<p>उनीसहित नेपालगञ्‍जका संक्रमित २३ जनाको खजुरास्थित सुशील कोइराला प्रखर क्यान्सर अस्पतालको आइसोलेसनमा उपचार भइरहेको छ।</p>
<p>हाल सबै बिरामीको अवस्था सामान्य रहेको उपचारमा संलग्न फिजिसियन डा. पारस खड्काले जानकारी दिए।</p>
<p>नेपालगञ्‍जमा सात वर्षदेखि ६० वर्ष उमेर समूहका व्यक्तिलाई कोभिड-१९ देखिएको छ।</p>
<p>नेपाल-भारत नाका जमुनाहलगायत खुला सीमाबाट लुकिछिपी नेपाल आवतजावत हुन नदिन निगरानीलाई कडाइ गरिएको प्रमुख जिल्ला अधिकारी कुमारबहादुर खड्काले बताए। <em>रासस</em></p>
प्रतिक्रिया दिनुहोस्
.jpg)
