थप ५७ जनामा कोरोना संक्रमण, नेपालमा संक्रमितको संख्या १९१ पुग्यो
<p>काठमाडौं। आज एकैदिन ५७ जनामा कोरोना संक्रमण देखिएको छ।</p>
<p>नेपालमा एकै दिन यति धेरै संख्यामा कोभिड-१९ का बिरामी फेला परेको यो पहिलो पटक हो।</p>
<p>योसँगै नेपालमा संक्रमितको संख्या १९१ जना पुगेको छ।</p>
<p>टेकुस्थित राष्‍ट्रिय जनस्वास्थ्य प्रयोगशालामा गरिएको परीक्षणको क्रममा सबैभन्दा धेरै पर्सामा ३९ जना पोजिटिभ पाइएको छ। </p>
<p>त्यस्तै रुपन्देहीमा ९, कपिलवस्तुमा ८ र बारामा एक १ जना संक्रमित फेला परेको स्वास्थ्य मन्त्रालयका सहप्रवक्ता डा. समिरकुमार अधिकारीले केही बेरअघि जारी गरेको विज्ञप्तिमा उल्लेख छ।</p>
<p>सबै ५७ जनाको स्वास्थ्य अवस्था सामान्य रहेको र उनीहरू स्वास्थ्यकर्मीको सम्पर्कमा रहेको मन्त्रालयले जनाएको छ।</p>
<p>नेपालमा संक्रमित भेटिएकामध्ये हालसम्म ३३ जना निको भएर घर फर्केका छन्।</p>
प्रतिक्रिया दिनुहोस्
.jpg)
