आज ११ बजेदेखि नेकपा स्थायी कमिटी बैठक बस्दै
<p>काठमाडौं। सत्तारूढ नेपाल कम्युनिष्ट पार्टी (नेकपा) को स्थायी कमिटी बैठक आज बस्दैछ। </p>
<p>नेकपा महासचिव विष्णु पौडेलका अनुसार बिहान ११ बजे धुम्बाराहीस्थित केन्द्रीय कार्यालयमा बैठक डाकिएको छ।</p>
<p>सरकारको नीति तथा कार्यक्रममा सुझाव दिन र मुलुकको पश्चिमी सिमानाको भूभाग अतिक्रमण गरेर भारतले सडक निर्माण गरेको विषयमा छलफल गर्न बैठक बोलाइएको पौडेलले जानकारी दिए।</p>
<p>यसअघि २५ वैशाखका लागि बोलाइएको स्थायी कमिटी बैठक अध्यक्षद्वय केपी शर्मा ओली र पुष्पकमल दाहालको सल्लाहमा अन्तिम घडीमा स्थगित गरिएको थियो।</p>
प्रतिक्रिया दिनुहोस्
.jpg)
