नेकपा प्रवक्ता श्रेष्ठले भने-`मेरो सुरक्षामा भएका सुरक्षाकर्मी फिर्ता लैजानु´
<p>काठमाडौं। नेकपाका प्रवक्ता नारायणकाजी श्रेष्ठले राज्यको आवश्यकताका लागि जुनसुकै समयमा पनि आफूसित रहेका सुरक्षाकर्मीहरु फिर्ता लैजान भनेका छन्।</p>
<p>भीआईपीको सुरक्षामा खटिएका सुरक्षाकर्मीलाई सीमा सुरक्षामा पठाउन माग भइरहँदा नेता श्रेष्‍ठले यस्तो भनेका हुन्।</p>
<p>आज ट्वीट गर्दै नेता श्रेष्ठले आफूले नियमित पछुवा प्रयोग गर्ने नगरेको र सुरक्षा खतरा महशुस नभएको बताएका छन्।</p>
<p>'राज्य सन्यत्रले त्यस्तो आंकलन गरेको छ भने पनि मेरो भन्दा राष्‍ट्रको सुरक्षा महत्त्वपूर्ण हुन्छ। त्यसैले राज्यको आवश्यकताका लागि कुनै पनि क्षण फिर्ता लैजान अनुरोध छ', उनले लेखेका छन्।</p>
<p>उनले यसबाट राज्यलाई अप्ठ्यारो परेको भए क्षमा समेत मागेका छन्।</p>
<p>पूर्वउपप्रधानमन्त्री समेत रहेका श्रेष्ठलाई १२ जना सुरक्षाकर्मी दिइएको छ।</p>
प्रतिक्रिया दिनुहोस्
.jpg)
