सीमा अतिक्रमणविरुद्ध अन्तर्राष्ट्रिय अदालत जान सांसदको सुझाव
<p>काठमाडौं। राष्‍ट्रियसभाको आजको विशेष समयमा बोल्ने सांसदहरूले भारतले नेपाली सीमा अतिक्रमण गरेकामा आपत्ति जनाए।</p>
<p>सांसद भैरवसुन्दर श्रेष्‍ठले सुगौली सन्धिविपरीत भारतले नेपालको सीमा अतिक्रमण गरिरहेको बताए। परराष्‍ट्रमन्त्री र प्रधानमन्त्रीस्तरबाट पनि समस्या समाधान नभए अन्तर्राष्‍ट्रिय अदालत जानुपर्ने उनको भनाइ थियो।</p>
<p>सांसद रमेशजंग रायमाझीले रोटी र बेटीको सम्बन्ध भएको बताउने भारतले नेपालको राष्‍ट्रियता अपहरण गरेको बताए।</p>
<p>सांसद मायाप्रसाद शर्माले विश्‍व कोरोनासँग लडिरहेका बेला भारतले नेपालको सिमाना अतिक्रमण गरेकामा आपत्ति जनाए। सांसद शेखरकुमार सिंहले नेपाल-भारत सीमा समस्या वार्ताको माध्यमबाट समाधान गर्न आग्रह गरे।</p>
<p>सांसद खिमलाल भट्टराईले कोरोना संक्रमणबाट देशलाई जोगाउन भएका सरकारी प्रयास सार्थक भएको उल्लेख गरे।</p>
प्रतिक्रिया दिनुहोस्
.jpg)
