Others

गृहपृष्ठ

आउन सकेनन् मजदुर, उद्योगहरू आंशिक मात्र सञ्‍चालनमा काठमाडौं। काठमाडौंको बालाजु र ललितपुरको पाटन औद्योगिक क्षेत्रका उद्योगहरू मजदुर अभावमा आंशिक मात्र सञ्&zwj;चालनमा आएका छन्। लकडाउनका कारण सबै कामदार उपस्थित हुन नसक्ने र कच्चा पदार्थ अभावका कारण कलकारखाना सञ्&zwj;चालनमा समस्या कायम रहेको उद्योगीहरूको भनाइ छ। सरकारले २८ वैशाखमा एक तिहाइ श्रमिक राखेर ४२ प्रकारका उद्योग सञ्&zwj;चालनमा ल्याउन सकिने निर्णय गरेको थियो। सरकारले श्रमिक र कर्मचारीको सहज आवागमनका लागि उपत्यकाभित्र टाइमकार्डसमेत लागू गर्&zwj;यो। तर, टाढाबाट आउनुपर्ने र उपत्यकाबाहिर रहेका श्रमिकलाई उद्योगहरूले उपस्थित गराउन सकेका छैनन्। उद्योग सञ्&zwj;चालनका लागि कच्चा पदार्थ अभाव तथा उत्पादित वस्तुको वितरण एवं ढुवानीमा समस्या आउने गरेको उद्योगीहरूको भनाइ छ।  त्यसका बावजुद बालाजु औद्योगिक क्षेत्रमा ८१ वटा उद्योग आंशिक सञ्&zwj;चालनमा आएका छन्। यस्तै, पाटन औद्योगिक क्षेत्रमा ९५ वटा उद्योग सञ्&zwj;चालनमा आएका छन्।  लकडाउनअघि र त्यसलगत्तै घर गएका श्रमिक र कर्मचारी आउन नसकेकाले पूर्ण सञ्&zwj;चालनमा समस्या देखिएको बालाजु औद्योगिक क्षेत्रस्थित पोलिथिन एन्ड प्लास्टिक उद्योग प्रालिका प्रबन्ध निर्देशक प्रमोद घिमिरेले बताए।  बिस्कुट उत्पादक नेबिको प्राइभेट लिमिटेडका महाप्रबन्धक केशव भट्टराईले उद्योगबाट नजिक रहेका श्रमिकलाई बोलाएर काम शुरु गरिएको बताए। श्रमिकहरूको दैनिक स्वास्थ्य परीक्षण गरी काममा लगाइएको उनले बताए।  सरकारी लगानीको ‘काठमाडौं दुग्ध वितरण आयोजना’ भने पूर्ण सञ्&zwj;चालनमा आएको छ। लकडाउनमा पनि दुध उत्पादनमा कमि नआएको आयोजना प्रमुख तीर्थकुमार महर्जनले बताए। उनका अनुसार दैनिक ७५ देखि ७६ हजार प्याकेट दूध उत्पादन भइरहेको छ। सञ्&zwj;चालनमा आएका उद्योगहरूको नियमित अनुगमन गर्ने गरिएको बालाजु औद्योगिक क्षेत्र व्यवस्थापन लिमिटेडका कायममुकायम क्षेत्र व्यवस्थापक भोजराज विनाडीले बताए। उनका अनुसार यस औद्योगिक क्षेत्रभित्र ८१ वटा उद्योग आंशिक सञ्&zwj;चालनमा आएका छन्। पाटन औद्योगिक क्षेत्रका केही उद्योगले श्रमिकलाई उद्योगमै बस्&zwj;ने व्यवस्था मिलाएका छन्। तिनैमध्येमा पर्छ, पूर्ण उड कभरिङ इन्डस्ट्रिज। त्यसका सञ्&zwj;चालक किरण स्थापितका अनुसार श्रमिकलाई उद्योगमै खाने र बस्&zwj;ने व्यवस्था मिलाइएकाृ छ। तर, सबै श्रमिक आउन कठिन भएकाले पूर्ण सञ्&zwj;चालन गर्न नसकिएको उनले बताए। औद्योगिक क्षेत्रका प्रशासनिक अधिकृत प्रदीप पराजुलीका अनुसार ९५ वटा उद्योग आंशिक सञ्&zwj;चालनमा आएका छन्। उद्योग सञ्&zwj;चालन गर्दा भौतिक दूरी कायम राख्&zwj;नेलगायत सावधानी अपनाइएको उनले बताए। बालाजुमा एक सय ३१ र पाटन औद्योगिक क्षेत्रमा एक सय २१ वटा उद्योग छन्।