प्रधानमन्त्रीले बोलाए सर्वदलीय बैठक
<p style="text-align:justify">काठमाडौं। प्रधानमन्त्री केपी शर्मा ओलीले सर्वदलीय बैठक बोलाएका छन्।</p>
<p style="text-align:justify">बालुवाटारमा अपरान्ह साढे ४ बजे सर्वदलीय बैठक बस्न लागेको प्रधानमन्त्रीका संचारविज्ञ रामशरण बजगाईले जानकारी दिए।</p>
<p style="text-align:justify">नेपाली भूमि लिपुलेकमा भारतले गरेको सडक निर्माण, कोभिड-१९ को संक्रमण लगायतका विषयमा छलफल गर्न प्रधानमन्त्रीले बैठक बोलाएका हुन्।</p>
<p style="text-align:justify">बैठकमा संसद्‌मा प्रतिनिधित्व गर्ने प्रमुख दलका नेताहरू सहभागी हुने बताइएको छ।</p>
<p style="text-align:justify">त्यस्तै सर्वदलीय बैठकमा पूर्वप्रधानमन्त्रीहरू पनि सहभागी हुनेछन्।</p>
<p style="text-align:justify">भारतले लिपुलेकमा सडक निर्माण गरेपछि संसद्‌देखि सडकसम्म चर्को विरोध शुरू भएको छ।</p>
<p style="text-align:justify">राजनीतिक दलहरूले पनि उच्चस्तरीय वार्ताका माध्यमबाट समस्या समाधान गर्नुपर्ने सुझाव दिएका छन्।</p>
.jpg)
