डीभी भर्नेको भीड राहदानी विभागमा ! (भिडिओसहित)
<p>काठमाडौं । यो वर्षदेखि अमेरिकाले इलेक्ट्रोनिक डाइभर्सिटी भिसा लट्री (इडीभी) भर्नाको लागि राहदानी अनिवार्य गरेसँगै राहदानी बनाउनेहरूको भीड बढेको छ । </p>
<p>यसअघि दैनिक एक हजारदेखि १२ सय जनासम्मले दैनिक राहदानी बनाउँदै आएका थिए । तर, अहिले दैनिक २८ सयदेखि तीन हजार जनासम्मले राहदानी बनाइरहेको विभागमा महानिर्देशक रामकाजी खड्काले जानकारी दिए । दशैं बिदापछि राहदानी बनाउनेहरू बढेको उनको भनाइ छ । </p>
<p>चार वर्षअघिदेखि जिल्ला–जिल्लाबाट पनि राहदानी वितरणको काम शुरू भएसँगै विभागमा भीड कम भएको थियो । तर, जिल्लाबाट राहदानी लिन एक महीना समय लाग्ने भएकोले अधिकांश विभाग आइपुगेका हुन् । अहिले अधिकांशले तीन दिनमा पाउने गरी राहदानी माग गरेको खड्काले बताए । </p>
<p>विभागले एक दिन, दुई दिन र तीन दिनमा राहदानी उपलब्ध गराउँदै आएको छ । खड्काका अनुसार एक दिनमा राहदानी लिन चाहनेहरूले १५ हजार, दुई दिनका लागि १२ हजार र तीन दिनका लागि १० हजार रूपैयाँ शुल्क तिर्नुपर्छ । </p>
<p>त्यस्तै, जिल्लाबाट एक महीना लगाएर लिन चाहनेहरूको लागि पाँच हजार रूपैयाँ शुल्क लाग्छ । </p>
<p>अमेरिकाले सन् २०२१ का लागि १५ असोजदेखि डीभीको आवेदन खोलेको थियो । आवेदनको समयसीमा १९ कत्तिकसम्म छ । </p>
<p>हामीसँगको कुराकानीमा पनि अधिकाशंले डीभी आवदेन दिनका लागि राहदानी बनाउन आएको बताएका थिए ।</p>
<p><strong>हेर्नुहोस् भिडिओः </strong></p>
<p><strong><iframe frameborder="0" height="315" scrolling="no" src="https://www.youtube.com/embed/3eqRRnCl2c0" width="560"></iframe></strong></p>
प्रतिक्रिया दिनुहोस्
.jpg)
