अस्ट्रेलियामा ६ लाखले गुमाए रोजगारी
<p>सिडनी। कोभिड-१९ महामारीका कारण अस्ट्रेलियामा ६ लाख युवाले हालसम्म रोजगारी गुमाएका छन्।</p>
<p>अप्रिलमा बेरोजगारी दर पाँच दशमलव दुई प्रतिशतबाट बढेर ६ दशमलव दुई प्रतिशत भएको छ। अर्थशास्त्रीहरूले भने यो दर आठ दशमलव तीन प्रतिशत पुग्ने बताएका थिए।</p>
<p>रोजगारीको हिसाबबाट अन्य मुलुकको तुलनामा भने अस्ट्रेलियाको अवस्था केही राम्रो देखिएको छ।</p>
<p>सरकारले तत्काल कल्याणकारी योजना लागू गरिहालेकाले स्थिति नियन्त्रणबाहिर जान नपाएको विश्लेषकहरूको भनाइ छ।</p>
<p>अहिले करिब ६० लाख अस्ट्रेलियाली नागरिकले सरकारबाट अनुदान पाइरहेका छन्। अन्य १० लाख नागरिकले बेरोजगारी भत्ताका लागि आवेदन दिएका छन्। दुवैलाई मिलाउँदा अस्ट्रेलियाको ४० प्रतिशत वर्कफोर्स हुन आउँछ।</p>
<p>अस्ट्रेलियाका प्रधानमन्त्री स्कट मोरिसनले एकदमै कठिन दिनबाट गुज्रिनु परेको बताएका छन्। “आगामी महीनामा पनि स्थिति खराब नै रहनेछ,” उनले भने, “जुन महीनामा बेरोजगारी दर १० प्रतिशत पुग्नेछ र कूल गार्हस्थ्य उत्पादन (जीडीपी)का १० प्रतिशतको गिरावट आउने अनुमान छ।”</p>
प्रतिक्रिया दिनुहोस्
.jpg)
