प्रधानमन्त्री ओली र संयुक्त राष्ट्रसंघकी उपमहासचिव कनेमबीच शिष्टाचार भेट
<p>काठमाडाैं। प्रधानमन्त्री केपी शर्मा ओलीसँग संयुक्त राष्ट्रसंघकी उपमहासचिव डा. नतालिया कनेमलले आज बालुवाटारमा शिष्टाचार भेटवार्ता गरेकी छन्। </p>
<p>उपमहासचिव डा. कनेम राष्ट्रसंघीय जनसङ्ख्या कोष (युएनएफपीए)का कार्यकारी निर्देशकसमेत हुन्।</p>
<p>डा. कनेम नेपालको दुईदिने औपचारिक भ्रमणमा ३ कात्तिकमा नेपाल आइपुगेकी हुन्।</p>
<p>सन् २०१७ मा यूएनएफपीएको कार्यकारी निर्देशक पदमा नियुक्त भएकी डा. कनेम पहिलोपटक नेपाल भ्रमणमा आएकी हुन्।</p>
<p>उनकाे साथमा एशिया र प्रशान्तका लागि युएनएफपीएका क्षेत्रीय निर्देशक वियोन एण्डरसन र युएनएफपीएका चिफ अफ स्टाफ पियो स्मिथ पनि छन्। </p>
<p>सो भेटमा यहाँस्थित युएनएफपीएका देशीय निर्देशक लुम्ना बाक्वी पनि थिए।</p>
<p>यस वर्ष युएनएफपीएको ५० औं वार्षिकोत्सव तथा जनसंख्या र विकाससम्बन्धी अन्तर्राष्ट्रिय सम्मेलन (आइसीपीडी)को २५औं वार्षिकोत्सव मनाइँदैछ।</p>
<p>सन् १९९४ इजिप्टको कायरोमा सम्पन्न आइसीपीडीको कार्ययोजना कार्यान्वयनमा नेपालले गरेको प्रतिबद्धताअनुसार हालसम्म गरेको उपलब्धिसँग साक्षात्कार हुन डा. कनेमसहितको टोली उच्चस्तरीय भ्रमणमा नेपाल आएको हो। रासस</p>
प्रतिक्रिया दिनुहोस्
.jpg)
