पर्वत-बागलुङको सीमामा आधुनिक पिङ मार्फत साहसिक पर्यटन विकास गर्दै द क्लिफ
<p>पर्वत। पछिल्लो समय नेपाली युवाहरूमा साहसिक पर्यटन प्रतिको क्रेज ह्वात्तै बढेको छ।</p>
<p>बञ्‍जी, प्याराग्लाइडिङ, र्‍याफ्टिङ र जिपलाइनको देशका विभिन्‍न ठाउँमा विस्तार गरिएसँगै पर्यटन प्रेमीलाई लक्षित गर्दै परम्परागत रूपमा खेलिने पिङलाई परिमार्जित गरी विभिन्न ठाँउमा अनौठा-अनौठा पिङ बनाउने होड नै चलेको छ।</p>
<p>कुश्मा बजारको एक रेस्टुरेन्टले पिङ बनाएर चर्चा कमाए पछि गोरखा बजार र धुलिखेल जिपलाइनमा पनि उस्तै खाले पिङ बने ।</p>
<p>विश्‍वकै दोश्रो अग्लो बञ्‍जी सञ्‍चालनको तयारीमा रहेको द क्लिफ प्रालिले आफ्नै रिसोर्ट परिसरमा नेपालकै अग्लो र नमूना पिङ बनाएको छ।</p>
<p>बञ्‍जीका लागि कालीगण्डकी नदीको खोँचमा निर्माण भएको पर्वतको कुश्मा र बाग्लुङको बलेवा जोड्ने पुलको उचाइ २२८ मिटर छ। सो भन्दा माथि बनाइएको पिङको उचाइ नदीबाट २४८ मिटर छ।</p>
<p><img alt="" height="720" src="https://www.dekhapadhi.com/storage/photos/shares/Economy/modern ping kusma 2.jpg" width="960" /></p>
<p>जमिनबाट १२ मिटर अग्लो बनाइएको पिङ नेपालमा अहिलेसम्म बनाइएका पिङ भन्दा फरक रहेको द क्लिफका अध्यक्ष राजु कार्कीले बताए। यो गुलेलीको शैलीमा निर्माण गरिएको छ।</p>
<p>सामान्यतया पिङमा अरुले हल्लाइदिनु पर्ने भए पनि यसमा भने खेल्ने मान्छे बसेपछि पछाडिबाट मेसिनको सहायताले पिङ मचिन्छ।</p>
<p>चट्टान आरोहण लगायत साहसिक खेलमा प्रयोग हुने मजबुत डोरीको प्रयोग गरिएको र दक्ष प्राबिधिकबाट डिजाइन गरी निर्माण गरिएकोले पिङ सुरक्षित, भरपर्दो भएको कार्कीको दाबी छ।</p>
<p>विश्‍वकै अग्लो स्विङ र स्काई साइक्लिङ समेत निर्माण गरेको कम्पनीले सो क्षेत्रलाई 'एड्भेन्चर हबका' रूपमा विकास गर्ने योजना बनाइएको उनले बताए।</p>
प्रतिक्रिया दिनुहोस्
.jpg)
