पश्चिम सेती निर्माणका लागि डोटीमा दिउँसै टुकी बालेर सरकार खोज्दै
<p>कैलाली। पश्‍चिम सेती जलविद्युत निर्माणका लागि दबाब दिँदै आएको 'बोलन्या थली' ले आज डोटीको दिपायलस्थित सेती पुलमाथि ७५० ओटा टुकी बालेर सरकारको ध्यानाकर्षण गराएको छ।</p>
<p>७५० मेगावाटको उक्त जलविद्युत आयोजना कार्यान्वयन हुन नसकेको भन्दै विरोध स्वरुप ७५० ओटा टुकी बालिएको हो।</p>
<p>प्रदर्शनकारले आश्वासनका २८ वर्ष पश्चिम सेती कहिले बन्छ ? आजको रोगलाई त जितौला भोलिको भोकलाई के गरौला ? 'रिभर्स माईग्रेशन' को व्यवस्थापन गरौँ, पश्चिम सेती लागु गरौँ भन्दै दिउँसै टुकी बालेका हुन्।</p>
<p>योजना निर्माण गर्ने सरकारको खोजी गर्दै सांकेतिक रूपमा टुकी बालिएको बोलन्या थलीला संयोजक यादव जोशीले बताए।</p>
<p>नेपाल उद्योग बाणिज्य संघ डोटी र होटल व्यवसायी संघको समन्वयमा मध्यान्ध १२ बजे टुकी बालिएको हो।</p>
प्रतिक्रिया दिनुहोस्
.jpg)
