धनगढी उपमहानगरको राहत वितरणको कागजपत्र अख्तियारको नियन्त्रणमा
<p>कैलाली। अख्तियार दुरुपयोग अनुसन्धान आयोगले धनगढी उपमहानगरपालिकाले राहत वितरणमा अनियमितता गरेको समाचार बाहिर आएपछि छानविन शुरू गरेको छ ।</p>
<p>अख्तियारको क्षेत्रीय सम्पर्क कार्यालय महेन्द्रनगरको टोलीले खाद्यान्‍न खरीदको टेण्डर सम्बन्धी कागजातहरू नियन्त्रणमा लिएको प्रवक्ता टोपबहादुर बिष्टले बताए। </p>
<p>अख्तियारको टोलीले उपमहानगरको वडा नम्बर २ र ४ मा वितरणका लागि राखिएको र उपभोक्ताले फिर्ता गरेको खाद्यान्‍न पनि निरीक्षण गरेको छ।</p>
<p>लकडाउनको बेला न्यून आय भएकाहरूलाई राहतमा कुहिएको चामल वितरण गरेको र अनियमितता भएको सार्वजनिक भएपछि उपमहानगरमाथि अख्तियारले अनुसन्धान थालेको हो।</p>
<p>कुहिएको र किरा परेको भन्दै केही परिवारले राहतको चामल फिर्ता गरेपछि खाद्य प्रविधि तथा गुण नियन्त्रण कार्यालय र वाणिज्य, आपूर्ति तथा उपभोक्ता हित संरक्षण कार्यालयले अनुगमन गरेका थिए।</p>
<p>यी दुई निकायको अनुगमनको मुचुल्का समेत अख्तियारको टोलीले नियन्त्रणमा लिएको छ।</p>
प्रतिक्रिया दिनुहोस्
.jpg)
