अमेरिकी सिनेटबाट चीनविरुद्ध प्रस्ताव पारित
<p>वासिङ्टन। चीनका उइगुर मुसलमानलगायत अल्पसंख्यक समुदायको मानव अधिकार हनन् भइरहेको दाबी गर्दै अमेरिकी सिनेटमा चीन सरकारसँग जवाप माग्ने प्रस्ताव पारित भएको छ।</p>
<p>सिनेटमा सर्वसम्मतिबाट उक्त प्रस्ताव पारित भएको हो। अब उक्त प्रस्ताव अमेरिकी संसद्को तल्लो सदन हाउस अफ रिप्रिजेन्टेटिभमा छलफलका लागि जानेछ।</p>
<p>कोभिड-१९ को महामारीका लागि अमेरिकी राष्‍ट्रपति डोनाल्ड ट्रम्पले चीनलाई जिम्मेवार मान्दै आएका छन्। पछिल्लो प्रस्ताव दुई देशको सम्बन्ध चिसिएको उदाहरण हो।</p>
<p>उक्त प्रस्तावले चीनको सिन्जियाङ शहरका मुसलमान समुदायको मानव अधिकारको रक्षा गर्न र उनीहरूमाथि भइरहेको उत्पीडनको विरोध गरेको छ।</p>
<p>चीनले भने आफ्नो देशभित्र रहेका अतिवादीहरू कारवाही गर्दै आएको बताउँदै आएको छ।</p>
<p>बीबीसीका अनुसार गत वर्ष चीनले उक्त समुदायका करिब १० लाख जनालाई शिविरहरूमा राखेर उनीहरूको ‘ब्रेन वास’ गराएको आरोप लागेको थियो।</p>
<p><strong>यो पनि पढ्नुहोस्</strong><br />
<a href="https://dekhapadhi.com/news/12638" target="_blank">चीनसँग सम्बन्ध तोड्ने ट्रम्पको धम्की</a></p>
प्रतिक्रिया दिनुहोस्
.jpg)
