साढे २ बजे मन्त्रिपरिषद्को बैठक बस्दै
<p>काठमाडौं। दिउँसो साढे २ बजे प्रधानमन्त्री निवास बालुवाटारमा मन्त्रिपरिषद्को बैठक बस्दैछ।</p>
<p>राष्‍ट्रपतिले आज सरकारको नीति तथा कार्यक्रम प्रस्तुत गर्नुपूर्व मन्त्रिपरिषद्को बैठक बस्‍न लागेको भूमि व्यवस्था, सहकारी तथा गरिबी निवारण मन्त्री पद्‍माकुमारी अर्यालले जानकारी दिइन्।</p>
<p>सरकारको नीति तथा कार्यक्रम मन्त्रिपरिषद्‍बाट पास गरेर राष्‍ट्रपतिलाई दिनका लागि बैठक बस्‍न लागेको हो। </p>
<p>मन्त्रिपरिषद् बैठक सकिएलगत्तै सोझै त्यहाँबाट मन्त्रिपरिषद्का सदस्यहरू सबै संसद् भवन नयाँ बानेश्‍वर जाने छन्। </p>
<p>आजको मन्त्रिपरिषद्को बैठकमा अन्य कुनै एजेण्डा भने राखिएको छैन। सरकारले प्रस्तुत गर्ने नीति तथा कार्यक्रम अपराह्न ४ बजे संघीय संसदको संयुक्त बैठकमा राष्‍ट्रपतिले प्रस्तुत गर्ने कार्यक्रम रहेको छ। </p>
<p>नीति तथा कार्यक्रम प्रस्तुत हुनुपूर्व बिहान सत्तारुढ दल नेकपाको सचिवालयको बैठकसमेत बसेको छ। प्रधानमन्त्रीले सरकारले प्रस्तुत गर्न लागेको नीति तथा कार्यक्रमका बारेमा सचिवालयका सदस्यहरुलाई जानकारी दिन बिहान बैठक बोलाएका थिए।</p>
प्रतिक्रिया दिनुहोस्
.jpg)
