भारतीय नागरिकहरूलाई स्वदेश फर्काउने तयारी
<p>कैलाली। भारत सरकारको आग्रहमा कैलालीमा रहेका भारतीय नागरिकहरूलाई स्वदेश फर्काउने तयारी थालिएको छ।</p>
<p>काठमाडौंस्थित भारतीय दूतावासको आग्रहमा कैलालीका विभिन्‍न स्थानमा रहेका भारतीय नागरिकको नामावली संकलन गरिरहेको जिल्ला प्रशासन कार्यालय कैलालीले उनीहरूलाई भारत पठाउने प्रकृया थालिएको बताएको छ।</p>
<p>आजसम्म विभिन्‍न स्थानीय तहमा रहेका आठ सयभन्दा बढी भारतीयको नामावली संकलन भइसकेको र आवश्यक प्रकृया पूरा हुनासाथ उनीहरूलाई भारत पठाइने जिल्ला प्रशासन कार्यालयका प्रशासकीय अधिकृत शिवराज जोशीले बताए।</p>
<p>टीकापुरमा रहेका २६ र जोशीपुरमा रहेका चारजना भारतीय नागरिकलाई आज बसमा धनगढी ल्याइएको छ। </p>
<p>उनीहरूलाई धनगढीको त्रिनगर माध्यमिक विद्यालयमा राखिएको छ। त्रिनगरमा एक सय तीनजना भारतीय नागरिक पहिलेदेखि नै क्‍वारेन्टाइनमा छन्।</p>
<p>जिल्लाभरिका नामावली संकलन पूरा भइसकेपछि भारतीय नागरिकहरूलाई स्वदेश फर्काइने जोशीले बताए।</p>
प्रतिक्रिया दिनुहोस्
.jpg)
