'कोरोना महामारीविरुद्ध लड्न थप सतर्क र एकजुट बनौं'
<p>काठमाडौं। राष्ट्रपति विद्यादेवी भण्डारीले विश्वव्यापी महामारीका रूमा देखिएको कोभिड-१९ विरुद्ध लड्न थप सतर्कता, समन्वय र एक ढीक्का भएर अघि बढ्न सबैलाई आव्हान गरेकी छिन्।</p>
<p>संघीय संसदको बैठकमा सरकारको नीति तथा कार्यक्रम प्रस्तुत गर्दै राष्ट्रपति भण्डारीले सरकारले चालेका कदममा सबैको साथ र सहयोग आवश्यक रहेको बताइन्।</p>
<p>“कोभिड-१९ ले मानव जातिमाथि नै ठूलो संकट पैदा भएको छ”, उनले भनिन, “ जीवन गुमाउने नेपाली र अन्य मृतकप्रति गहिरो समवेदना व्यक्त गर्दै, उपचारमा रहेकाहरुको शीघ्र स्वास्थ्य लाभका कामना गर्दछु।”</p>
<p>कोभिड-१९ ले सबै मुलुकको अर्थतन्त्रमा धक्का पुर्‍याउनुको साथै उत्पादन र वितरण प्रणाली प्रभावित भएको उनको भनाई छ।</p>
<p>“लाखौंको रोजगारी गुमेको छ। आज विश्व साझा र अदृश्य दुश्मनका विरुद्ध कठीन युद्ध लडिरहेको छ।”,राष्‍ट्रपतिले भनिन, “कहिले अन्त्य होला भन्ने चिन्ता र भय उत्पन्न भएको छ। थप संक्रमण फैलिन नदिन र थप सतर्कता समन्वय आवश्यक छ।”</p>
<p>उनले कोभिड-१९ विरुद्ध लड्न फ्रन्टलाइनमा रहेर काम गर्ने सबैको प्रशंसा गर्दै अत्यावश्यक वस्तुको आपूर्ती सहज बनाउन महत्वपूर्ण भूमिका खेल्ने सबैमा धन्यवाद व्यक्त गरेकी छिन्।</p>
<p>राष्ट्रपतिले सरकारको नीति तथा कार्यक्रम प्रस्तुत गरिरहेकी छिन्।</p>
प्रतिक्रिया दिनुहोस्
.jpg)
