ठूला आयोजना समयमै सम्पन्न गर्ने, फजुल खर्च कटौती
<p>काठमाडौं। सरकारले निर्माणाधीन ठूला आयोजना समयमै सम्पन्न गर्ने बताएको छ।</p>
<p>राष्ट्रपति विद्यादेवी भण्डारीले आज संघीय संसदको दुवै सदनको बैठकलाई सम्बोधन गर्दै प्रस्तुत गरेको सरकारको नीति तथा कार्यक्रममा ठूला आयोजना तोकिएकै समयमा पूरा गर्ने बताएकी हुन्।</p>
<p>आयोजना व्यवस्थापनलाई सुदृढ बनाई आयोजना निर्धारित समयमै सम्पन्न गर्ने सरकारको नीति रहेको उनले बताइन्।</p>
<p>कतिपय आयोजना पुनः संरचना र पुनःप्राथमिकीकरण गरेर अगाडि बढाउने सरकारले बताएको छ। निर्माणाधीन रूपान्तरणकारी तथा ठूला विकास निर्माण आयोजना समयमै सम्पन्न गर्न बजेटको अभाव हुन नदिने सरकारको नीति रहेको राष्ट्रपति भण्डारीले बताइन्।</p>
<p>सरकारले फजुल खर्च तथा अनावश्यक खर्च कटौती गरी भौतिक पूर्वाधार विकासलाई प्राथमिकतामा राख्ने जनाएकाे छ।</p>
<p>आगामी वर्ष ठूला पूर्वाधार आयोजनामा विदेशी लगानी आकर्षित गर्ने नीति सरकारले बनाएको भण्डारीले बताइन्। त्यसैगरी नेपालमा लगानीको वातावरण सुध्रिएको पनि उनले बताइन्।</p>
प्रतिक्रिया दिनुहोस्
.jpg)
