लागुऔषधसहित कोहलपुरमा चारजना पक्राउ
<p>कोहलपुर। इलाका प्रहरी कार्यालय कोहलपुरले लागुऔषधसहित चारजनालाई विभिन्न ठाउँबाट पक्राउ गरेको छ।</p>
<p>२३ असोजमा १६ ग्राम ५२० मिलिग्राम ब्राउनसुगरसहित फेला परी नियन्त्रणमा लिने क्रममा भागेका दुईसहित चारजनालाई पक्राउ गरिएको हो। </p>
<p>सुर्खेतका ३४ वर्षीय कृष्ण बुढा र रविन चौधरीलाई ३ कात्तिकमा पक्राउ गरेको हो।</p>
<p>उनीहरूको साथबाट एक लाख तीन हजार ८६५ रुपैयाँ बरामद गरेको छ।</p>
<p>बुढाको सम्पर्कबाट खुल्न आएका थप दुईजनालाई पनि प्रहरीले पक्राउ गरेको छ ।</p>
<p>पक्राउ पर्नेमा नेपालगन्जका २१ वर्षीय संजय लोनिया र भारत नानपाराका कसिम शेष छन्। लोनियाको साथबाट १६ ग्राम ८६० मिलिग्राम ब्राउन सुगर, नगद २० हजार ५७५ रुपैयाँ र शेषको साथबाट १० ग्राम ब्राउनसुगर र नगद १४ हजार ७०० रुपैयाँ बरामद गरिएको छ। उनीहरूमाथि आवश्यक अनुसन्धान भइरहेको प्रहरीले जनाएको छ।</p>
प्रतिक्रिया दिनुहोस्
.jpg)
