संसदमा आजदेखि सरकारको नीति तथा कार्यक्रममा छलफल हुँदै
<p>काठमाडौं। संसदको दुवै सदनमा आजदेखि सरकारको नीति तथा कार्यक्रममाथि छलफल शुरू हुने भएको छ।</p>
<p>संसद सचिवालयका महासचिव डा. भरतराज गौतमद्वारा जारी सम्भावित कार्यसूची अनुसार प्रतिनिधि सभा र राष्‍ट्रिय सभाको आजको बैठकमा नीति तथा कार्यक्रममाथि छलफल हुन लागेको हो।</p>
<p>दुवै सदनको बैठक आज बिहान ११ बजेलाई तय गरिएको छ।</p>
<p>आज प्रधानमन्त्री केपी शर्मा ओलीले राष्‍ट्रपतिबाट प्रस्तुत भएको वार्षिक नीति तथा कार्यक्रम छलफलका लागि प्रस्ताव पेश गर्ने छन्।</p>
<p>त्यस्तै प्रतिनिधि सभामा नीति तथा कार्यक्रममाथि सांसदहरूले संशोधन प्रस्तुत गर्नेसमेत कार्यसूची छ।</p>
<p>राष्‍ट्रपति विद्यादेवी भण्डारीले २ जेठ अपरान्ह संसदको दुवै सदनको संयुक्त बैठकमा आउँदो वर्षको सरकारको नीति तथा कार्यक्रम प्रस्तुत गरेकी थिइन्।</p>
प्रतिक्रिया दिनुहोस्
.jpg)
