लकडाउन थपबारे निर्णय गर्न आज साँझ मन्त्रिपरिषद् बैठक बस्दै
<p>काठमाडौं। पर्सि, ६ जेठदेखि लकडाउनको अवधि र स्वरूपबारे निर्णय गर्न आज मन्त्रिपरिषद्को बैठक बोलाइएको छ।</p>
<p>प्रधानमन्त्री निवास बालुवाटारमा साँझ ५ बजे बैठक तय गरिएको प्रधानमन्त्रीको सचिवालयले जनाएको छ।</p>
<p>कोभिड-१९ को जोखिमलाई ध्यान दिँदै ११ चैतदेखि दैशैभर लकडाउन जारी छ।</p>
<p>संक्रमितको संख्या बढ्दै गएपछि लकडाउनको पछिल्लोपटक थपिएको अवधि भोलि, ५ जेठमा सकिँदैछ।</p>
<p>आज दिउँसो साढे २ बजे बस्‍ने कोरोना संक्रमण रोकथाम तथा नियन्त्रण उच्चस्तरीय समितिको बैठकको सिफारिस बमोजिम सरकारले लकडाउनक थप्‍ने/नथप्‍ने कति दिन थप्‍ने र स्वरूप कस्तो हुनेबारे निर्णय गर्ने बताइएको छ।</p>
<p>नेपालमा कोभिड-१९ बाट हिजो सिन्धुपाल्चोककी एक महिलाको मृत्यु भएको छ।</p>
<p>कूल संक्रमित २९१ जना पुगेका छन् भने ३६ जना निको भएका छन्।</p>
प्रतिक्रिया दिनुहोस्
.jpg)
