गोरखामा दुई गाउँपालिकाबीचको सीमा विवाद मिलाउन सहमति
<p style="text-align:justify">गोरखा। बारपाक सुलीकोट गाउँपालिकाको बारपाक र धार्चे गाउँपालिकाको लाप्राकबीच लामो समयदेखिको सीमा विवाद सुल्झाउन सात बुँदे सहमति गरिएको छ। </p>
<p style="text-align:justify">जिल्ला समन्यव समितिको समन्वयमा हिंजो सम्पन्न सर्वपक्षीय बैठकमा साविकका दुई गाविसबीचको सीमा विवाद मिलाउन सहमति भएको हो।</p>
<p style="text-align:justify">बैठकले बारपाक र लाप्राकबीचको सिमानालाई वैज्ञानिक ढंगबाट सिमाङ्कन गर्ने निर्णय भएको जिल्ला समन्यव समितिका प्रमुख अशोककुमार गुरुङले बताए।</p>
<p style="text-align:justify">“सिमाङ्कनका लागि दुवैतर्फका बस्तीको परामर्शमा संघ र प्रदेश सरकारलाई अनुरोध गर्ने सहमति भएको छ।” गुरुङले भने।</p>
<p style="text-align:justify">तत्कालका लागि भने दुवै गाउँपालिकाले परापूर्वकालदेखि प्रयोग गर्दै आएका सिमानाका खर्कहरु पहिलेकै जसरी प्रयोग गर्ने सहमति भएको छ। </p>
<p style="text-align:justify">केही दिनअघि अवरोध भएको लाप्राक पुग्ने सडकखण्ड निर्माणको काम पनि तत्काल अघि बढाउने सहमति बैठकले गरेको छ।</p>
<p style="text-align:justify">स्थानीयवासीको आवश्यकताको आधारमा सीमा क्षेत्रमा रहेको खानेपानीको मूल सहमतिमा बाँडफाँड गर्ने निर्णय भएको छ। <em>रासस</em><br />
</p>
.jpg)
