परिसंघले भन्यो- ‘नीति तथा कार्यक्रममा आर्थिक पुनर्उत्थानका कार्यक्रम समेटिएनन्’
<p>काठमाडौं। नेपाल उद्योग परिसंघले आगामी आर्थिक वर्षका लागि घोषणा भएको नीति तथा कार्यक्रममा अल्पकालीन राहत र आर्थिक पुनर्उत्थानका कार्यक्रम नसमेटिएको बताएको छ।</p>
<p>परिसंघले नीति तथा कार्यक्रम सकारात्मक भए पनि निजी क्षेत्रका लागि आवश्यक पर्ने राहतका कार्यक्रमहरू नसमेटिएको बताएको हो।</p>
<p>सरकारले स्वास्थ्य, रोजगारी र कृषि क्षेत्रलाई पहिलो प्रथामिकतामा राखेकोमा भने परिसंघले खुशी व्यक्त गरेकाे छ।</p>
<p>परिसंघले जारी गरेको विज्ञप्तिमा भनिएको छ, “नीति तथा कार्यक्रमले वर्तमान अवस्थामा कोभिड-१९ ले सिर्जना गरेका स्वास्थ्य समस्यालाई सम्बोधन गर्ने प्रयास गरिएको छ।”</p>
<p>यस्तै रोजगारी सिर्जना र कृषिमा जोड दिने सरकारको नीति सकरात्मक रहेको बताइएको छ।</p>
<p>यसका साथै, नेपालको निजी क्षेत्रलाई बचाउन आर्थिक पुनर्उत्थान कार्यक्रम ल्याउने घोषणा महत्त्वपूर्ण रहे पनि राहत तथा पुनर्उत्थानमा केन्द्रित भएर विस्तृत कार्यक्रम नआएको बताएको छ।</p>
<p>परिसंघले अल्पकालीन राहत तथा पुनर्उत्थानका लागि कूल गार्हस्थ उतपादनको कम्तीमा करीब ५ प्रतिशत रकम विशेष प्रभावित क्षेत्रलाई हस्तानान्तरणको व्यवस्था गरिनुपर्ने भनेको छ।</p>
<p>तर, निजी क्षेत्रले दिएको सुझावअनुसार सरकारले निजी क्षेत्र र देशको अर्थतन्त्र चलायमान बनाउनतर्फ पर्याप्त ध्यान नदिएको परिसंघ बताउँछ।</p>
<p>खासगरी, निजी क्षेत्रले आर्थिक पुनर्उत्थानको राष्ट्रिय संकल्प घोषणा गरेर अर्थतन्त्रमा क्षति कम गराउन अल्पकालीन राहत र आर्थिक पुनर्उत्थानका कार्यक्रम ल्याउन सुझाव दिएको थियो।</p>
<p>यद्यपि नीति तथा कार्यक्रममा नसमेटिए पनि बजेटमा उक्त सुझावहरू समेटिनेमा परिसंघले आशा व्यक्त गरेको छ।</p>
प्रतिक्रिया दिनुहोस्
.jpg)
