चार किलो गाँजासहित दुईजना पक्राउ
<p>हेटौंडा। प्रहरीले मकवानपुरको हेटाैंडा बजार नजिकैबाट चार किलो गाँजासहित दुईजनालाई पक्राउ गरेको छ।</p>
<p>हेटौंडा उपमहानगरपालिका–१५, रातोमाटे चेकपोष्टस्थित इलाका प्रहरी कार्यालय पशुपतिनगरबाट खटिएको प्रहरी टोलीले उनीहरूलाई पक्राउ गरेको हो।</p>
<p>वीरगंजतर्फ जाँदै गरेको ना५५प ६०२५ नम्बरको मोटरसाइकललाई रोकेर चेकजाँच गर्ने क्रममा गाँजा बरामद भएको हो।</p>
<p>प्रहरीले पर्सा बहुद्रामाई नगरपालिका–१ बस्ने ३८ वर्षीय शम्भु साह कलवार र २६ वर्षीय असलम देवानलाई पक्राउ गरेको हो।</p>
<p>प्रहरीका अनुसार उनीहरूले गाँजा शरीरभित्र लुकाएका थिए।</p>
<p>दुवैजनालाई हिरासतमा राखेर थप अनुसन्धान भइरहेको प्रहरीले जनाएको छ।</p>
<p>यस्तै लागुऔषध नाइट्रोसन ११० पिससहित हेटौंडा उपमहानगरपालिका–कमाने भोर्ले बस्ने ३२ वर्षीय रबिन्द्र गोलेलाई पनि प्रहरीले पक्राउ गरेको छ।</p>
प्रतिक्रिया दिनुहोस्
.jpg)
