ललितपुरमा भएकाे दुर्घटनामा दुईजनाको मृत्यु
<p>ललितपुर। ललितपुरमा दुई छुट्टाछुट्टै दुर्घटनामा दुईजनाको मृत्यु भएको छ।</p>
<p>गोदावरी नगरपालिका–९, चुनिखेलमा बा२ख ५००९ नम्बरकाे बसले स्थानीय नवीन घिमिरेलाई किच्दा उनको घटनास्थलमै मृत्यु भएको हो।</p>
<p>महानगरीय प्रहरी परिसर ललितपुरका प्रमुख प्रहरी वरिष्ठ उपरीक्षक टेकप्रसाद राईका अनुसार गाडीले ब्रेक लगाउँदा घिमिरे ढोकाबाट खसेका थिए।</p>
<p>चालकलाई नियन्त्रणमा लिएर प्रहरीले अनुसन्धान थालेको छ।</p>
<p>आजै ललितपुर महानगरपालिका–८, ग्वार्कोमा बा४ख ९०५५ नम्बरको ट्रकले ठक्कर दिँदा इमाडोल बस्दै आएका सिन्धुपाल्चोकको गोल्छेका ४० वर्षीय राजकुमार तामाङको मृत्यु भएको छ।</p>
<p>दुर्घटनामा गम्भीर घाइते पैदलयात्री तामाङको उपचारका लागि अस्पताल लैजाने क्रममा मृत्यु भएको प्रहरीले जनाएकाे छ। <em>रासस</em></p>
प्रतिक्रिया दिनुहोस्
.jpg)
