नक्कली लेबल टाँसेको ५३० बोतल रक्सीसहित विराटनगरमा एक व्यापारी पक्राउ
<p>विराटनगर। ब्राण्डेड भन्दै नक्कली रक्सीको कारोबार गर्ने एक व्यवसायी पक्राउ परेका छन्।</p>
<p>विभिन्न ब्राण्डको बोतलमा नक्कलो लेबल टाँसेर बिक्री वितरण गर्ने विराटनगर महानगरपालिका-६ का न्यू.डी.एन ट्रेडर्सका संचालक श्रवण मुखियालाई हिजो, ६ जेठमा प्रहरीले पक्राउ गरेको हो।</p>
<p>उनले विराटनगरमा घर भाडामा लिएर कारोबार गर्दै आएको जिल्ला प्रहरी कार्यालय मोरङले जनाएको छ।</p>
<p>बिक्री गर्न तयारी अवस्थामा राखिएको ५३० बोतल नक्कली रक्सी पनि बरामद गरिएको छ।</p>
<p>बरामद रक्सीसहित मुखियालाई थप अनुसन्धान र आवश्यक कारवाहीको लागि आन्तरिक राजश्‍व कार्यालय विराटनगरमा बुझाईएको छ।</p>
<p>बरामद भएको रक्सीको बोतलमा आन्तरिक राजस्व कार्यालयको स्टिगरसमेत टाँस गरिएको छ।</p>
प्रतिक्रिया दिनुहोस्
.jpg)
