आयल निगमको अमलेखगञ्ज डिपो बन्द गर्न स्थानीयवासीको दबाब
<p>काठमाडौं। बाराका बासिन्दाले नेपाल आयल निगमको अमलेखगञ्‍ज डिपो बन्द गर्न दबाब दिएका छन्।</p>
<p>त्यसक्षेत्रमा कोरोना भाइरसको संक्रमण बढ्न थालेपछि उनीहरूले डिपो बन्द गर्न दबाब दिएका हुन्।</p>
<p>निगमका अनुसार डिपो क्षेत्रका वडाध्यक्षसहितका स्थानीय बासिन्दाले डिपो बन्द गर्न निरन्तर दबाब दिइरहेका छन्।</p>
<p>स्थानीयवासीले त्यसक्षेत्रमा ट्यांकर प्रवेश र तेल प्रशोधनमा अवरोध गर्दै आएका छन्।</p>
<p>अमलेखगञ्‍ज डिपोमा पाइपलाइनबाट डिजेल आउने गरेको छ। यदि उक्त डिपो बन्द भएमा डिजेलको आपूर्तिमा समस्या हुने निगमले बताएको छ।</p>
<p>अमलेखगञ्‍ज डिपोको मौज्दात क्षमता २० हजार ६ सय किलोलिटर हो ।</p>
<p>त्यस डिपोबाट आयात भएको डिजेल काठमाडौं, भैरहवा, विराटनगर र पोखरामा वितरण गरिन्छ।</p>
प्रतिक्रिया दिनुहोस्
.jpg)
