लकडाउनमा कस्ता सवारीसाधनलाई पास आवश्यक पर्दैन ?
<p>काठमाडौं। लकडाउनको समयमा सञ्चालन हुने अत्यावश्यक सबै प्रकारका व्यवसायलाई सवारी पास नचाहिने वाणिज्य, आपूर्ति तथा उपभोक्ता संरक्षण विभागले बताएको छ।</p>
<p>व्यवसायीलाई सवारी पास उपलब्ध गराउँदै आएको विभागले अत्यावश्यक सामग्रीको ओसारपसार गर्ने सवारीसाधनलाई पास नचाहिने बताएको हो।</p>
<p>गृह मन्त्रालयले दिएको सबै पास खारेज भएपछि सवारी पास वितरण गर्दै आएको विभागले दैनिक उपभोग्य वस्तु र अत्यावश्यक वस्तु बोकेका सवारीलाई विनापास चल्न दिने बताएको छ।</p>
<p>विभागका निर्देशक रविन्द्र आचार्यले खाद्य वस्तु, औषधि र औषधिजन्य वस्तु, पेट्रोलियम पदार्थ, खाना पकाउने एल.पी. ग्यास बोकेका सवारीसाधन बिना पास चल्न सक्ने बताए।</p>
<p>त्यसैगरी पशुपक्षीका आहार, खासी/बोका, कुखुरा, राँगा/भैँसी, तरकारी र फलफल तथा दूध तथा दुग्धजन्य पदार्थ बोकेका सवारीलाई समेत सवारी पास आवश्यक नपर्ने बताइएको छ।</p>
<p>तर, ती सामान नबोकेको अवस्थामा वा तोकिएका सामग्री लिन जान लागेको प्रमाण नभएको अवस्थामा भने सवारी पास आवश्यक पर्ने विभागले बताएको छ।</p>
<p>सवारी पास आवश्यक नपर्ने सवारीसाधनले पछाडि अन्य कुनै वस्तु नराखेको हुनुपर्ने तथा खाद्य वस्तुको नामसहित क्रेट राखेको हुनुपर्ने विभागले जानकारी दिएको छ।</p>
<p>यसका साथै एम्बुलेन्स र शव वाहनलाई समेत पासको आवश्यक्ता पर्दैन।</p>
प्रतिक्रिया दिनुहोस्
.jpg)
