अष्ट्रेलियाको राजधानीमा पहिलोपटक उडान गर्दै नेपाल एअरलाइन्स
<p>काठमाडौं। नेपाल एअरलाइन्सले अष्ट्रेलियाको राजधानी क्यानबेरामा चार्टर्ड उडान गर्ने टुंगो लागेको छ।</p>
<p>२३ जेठमा नेपाल वायुसेवा निगमको वाइडबडी ए-३३० जहाज क्यानबेरा जान लागेको निगमकी प्रवक्ता अर्चना खड्काले बताइन्।</p>
<p>नेपालको राजधानीबाट अष्ट्रेलियाको राजधानीसम्म यो पहिलो व्यावसायिक उडान हुनेछ।</p>
<p>कोरोना संक्रमण रोक्नका लागि नेपालले अन्तर्राष्ट्रिय उडानमा रोक लगाएपछि नेपालमा रोकिएका अष्ट्रेलिया र न्यूजील्याण्डका नागरिक लिएर उक्त जहाज अष्ट्रेलिया जान लागेको हो।</p>
<p>करीब २५० जना यात्रु लिएर उक्त जहाज क्यानबेरा जाने खड्काले बताइन्।</p>
<p>लकडाउनको बीचमा नेपाल एअरलाइन्सले अष्ट्रेलियामा गर्न लागेको यो तेस्रो उडान हो।</p>
<p>यसअघि २४ वैशाखमा सिड्नीमा र १९ चैतमा व्रिसबेनमा चार्टर्ड उडान गरेको थियो।</p>
<p>अष्ट्रेलिया जाने यात्रुको टिकट व्यवस्थापनको जिम्मा भने नेपाल एअरलाइन्सले नै लिएको प्रवक्ता खड्काले बताइन्।</p>
<p>नेपालस्थित अष्ट्रेलियन दूतावासको संयोजनका यो चार्टर्ड उडान हुन लागेको हो।</p>
प्रतिक्रिया दिनुहोस्
.jpg)
