विदेशमा रहेका नेपालीकाे उद्धारमा सघाउन कांग्रेसले बनायो ‘रेस्क्यू एप’
<p>काठमाडौं। नेपाली कांग्रेसले विदेशमा रहेका नेपालीलाई लक्षित गरी रेस्क्यू एप र वेब सार्वजनिक गरेको छ।</p>
<p>विभिन्न देशमा अप्ठेरोमा परेका नेपालीको अवस्था बुझ्न र उद्धारमा सहयोग पुर्‍याउन उक्त एप र वेब सञ्चालनमा ल्याइएको कांग्रेसले जनाएको छ।</p>
<p>नेपालसहित ४३ देशबाट आज उक्त ‘एप’ र ‘वेब’ सार्वजनिक गरिएको हो। </p>
<p>सार्वजनिक गरिएको एप र वेब एपमा आफ्नो विवरण भर्नुपर्ने हुन्छ। नेपाल बाहिर विभिन्न देशमा अप्ठ्यारोमा परेका नेपालीहरूको हालको स्थिति विवरण संकलन गर्ने र अप्ठ्यारोमा परेर देश फर्कन चाहिरहेका नेपाली नागरिकको विश्वव्यापीरूपमा तथ्यांक संकलन गर्ने एपको मुख्य उद्देश्य रहेको कांग्रेसले जनाएकाे छ। </p>
<p>संकलित तथ्यांक वर्गीकृत गरेर व्यक्तिको स्थितिको प्राथमिकताका आधारमा राहत व्यवस्थापन र उद्धार गर्न नेपाल सरकारलाई सघाउ र दबाब पुर्‍याउने कांग्रेसले जनाएको छ।</p>
प्रतिक्रिया दिनुहोस्
.jpg)
