भारतका दुई सयवटा रेलको टिकट बुकिङ आजदेखि
<p>नयाँदिल्ली। आगामी १ जुनदेखि सञ्चालनमा आउने दुई सयवटा रेलसेवाका लागि आजदेखि टिकट बुकिङ खुला भएको छ।</p>
<p>भारतीय रेलवेका अनुसार यी रेल श्रमिक रेलभन्दा फरक हुन्। एसी, नन एसी र जनरल सबै प्रकारका कोच यी रेलमा हुने छन्। ती सबै श्रेणीका लागि रिजर्भेसन खुलाइएको हो।</p>
<p>जनरल कोचका लागि आईआरसीटीसीको वेबसाइट र मोबाइल एपमार्फत अनलाइन बुकिङको व्यवस्था मिलाइएको छ। ३० दिन पहिले नै रिजर्भेसन गरिसक्नुपर्ने नियम ल्याइएको छ।</p>
<p>वेटिङ लिस्टको टिकट पनि जारी हुनेछ। तर, वेटिङ लिस्टमा रहेका यात्रीले यात्रा गर्न पाउने छैनन्। सामान्य अवस्थामा भारतीय रेल सेवाले वेटिङ लिस्टमा रहेका यात्रीलाई पनि यात्रा गराउने गरेको छ।</p>
<p>रेल चढ्नुअघि सबै यात्रीको स्क्रिनिङ गरिने र कोभिड-१९ को लक्षण नदेखिएका यात्रीलाई अनुमति दिइने भारतीय रेल सेवाले जनाएको छ।</p>
प्रतिक्रिया दिनुहोस्
.jpg)
