श्रमको आधारमा राहत दिने गाउँपालिकाको निर्णय
<p>लमजुङ। जिल्लाको उत्तरी भेग मर्स्याङ्दी गाउँपालिकामा श्रम गरेपछि मात्र राहत वितरण गरिने भएको छ।</p>
<p>गाउँपालिकाको विपद् व्यवस्थापन समितिको बैठकले श्रमिक, मजदुर तथा विपन्न परिवारलाई श्रममा आधारित राहतको व्यवस्था गर्ने निर्णय गरेको हो। </p>
<p>सो गाउँपालिकाले यसअघि एक हजार २०० परिवारलाई पहिलो चरणको राहत वितरण गरिसकेको जनाएको छ। </p>
<p>अब भने श्रम गरेपछि मात्र राहत दिने निर्णय गरेको गाउँपालिका उपाध्यक्ष होमबहादुर विकले बताए।</p>
<p>उनले भने, “हामीले श्रमका आधारमा राहत वितरण गर्नेछौँ। यसरी श्रम गरेर राहत दिँदा श्रमलाई माया गर्ने, विश्वास गर्ने र सबै कुरामा राज्यसँग निर्भर हुनु नपर्ने हुँदा राज्यलाई समेत कम भार पर्ने भएकाले श्रम गरेर मात्र राहत दिने निर्णय पालिकाले गरेको छ।” <em>रासस</em></p>
प्रतिक्रिया दिनुहोस्
.jpg)
