डोजर चालकविरुद्ध ज्यानमार्ने उद्योगमा जाहेरी दर्ता
<p>बैतडी। सडक निर्माणको क्रममा स्थानीयमाथि डोजरले आक्रमण गर्ने चालकविरुद्ध ज्यान मार्ने उद्योगमा जाहेरी दर्ता गरिएको छ।</p>
<p>डोजर चालक किशोर बोहराविरुद्ध ज्यान मार्ने उद्योगमा जाहेरी दर्ता गरिएको प्रहरी निरीक्षक किसन चन्दले जानकारी दिएका छन्।</p>
<p>जिल्ला अदालतबाट १० दिनको म्याद थपेर घटनाको अनुसन्धान भइरहेको प्रहरीले जनाएको छ।</p>
<p>दशरथचन्द नगरपलिकामा-९ ग्वाल्लेकमा सडक निर्माणको क्रममा विवाद हुँदा सडक खनिरहेको डोजरको आक्रमणबाट ४ कात्तिकमा ९ जना घाइते भएका थिए।</p>
<p>सुण्नाखान-पार्स सडक निर्माण गर्दा गुठीको जग्गामा डोजर चलाउन नदिएपछि सडकको पक्ष र विपक्षमा रहेका स्थानीयबीच विवाद भएर झडप भएको प्रहरीले जनाएको छ। </p>
<p>सडकमा पर्ने जमीन गुठीको जमीन रहेको भन्दै तिहारपछि विवाद समाधान गरी सडक खन्ने सहमति भएकोमा एक्कासी सडक निर्माण गर्न खोज्दा घटना भएको हो।</p>
<p>सडक निर्माणका विषयमा भएको विवादका बारेमा दुवै पक्षसँग छलफल गरेर टुंगोमा पुग्ने बैतडीका प्रमुख जिल्ला अधिकारी आनन्द पौडेलले बताए। <em>रासस</em></p>
<p>पढ्नुहोस्:</p>
<p><a href="https://dekhapadhi.com/news/1291" target="_blank">बैतडीमा डोजर आक्रमणः ९ जना घाइते, चालकसहित ४ पक्राउ</a><br />
</p>
प्रतिक्रिया दिनुहोस्
.jpg)
