एशियाली पूर्वाधार लगानी बैंकले बंगलादेशलाई २५० मिलियन डलर ऋण दिने
<p style="text-align:justify">काठमाडौं। कोरोना भाइरसको महामारीमा सघाउन चीन समर्थित एशियाली पूर्वाधार लगानी बैंकले बंगलादेशलाई २५० मिलियन अमेरिकी डलर ऋण दिने भएको छ।</p>
<p style="text-align:justify">बैंकले आज सबैभन्दा दयनीय अवस्थामा भएकाहरूका लागि प्रयोग गर्न बंगलादेशलाई २५० मिलियन डलर ऋण स्वीकृत गरेको हो।</p>
<p style="text-align:justify">उक्त ऋणले बंगलादेशको साना तथा मझौला आकारका कम्पनीहरूबाट हुने रोजगारी कटौती कम गर्न मद्दत पुग्ने रोयर्टसले बताएको छ।</p>
<p style="text-align:justify">यसका साथै, बंगलादेशको औपचारिक अर्थतन्त्रमा नआएको क्षेत्रको रोजगारी कटौती कम गर्न समेत ऋणले भूमिका खेल्ने बताइएको छ।</p>
<p style="text-align:justify">बैंकले दिएको २५० मिलियन डलर ऋण सरकारी र निजी क्षेत्रका कम्पनीहरूलाई महामारीसँग जुध्न दिने भनिएको १० अर्ब डलर ऋणको हिस्सा हो।</p>
.jpg)
