जनकपुरमा गोली हानेर १ जनाको हत्या
<p>धनुषा। धनुषाको जनकपुरधाममा एक व्यक्तिको गोली हानेर हत्या गरिएको छ।</p>
<p>आज बिहान ९:३० बजे जनकपुरधाम उपमहानगरपालिका -१४, प्रगतिनगरमा गोली प्रहारबाट ४० वर्षीय मनोज साहको हत्या भएको जिल्ला प्रहरी कार्यालय धनुषाका प्रवक्ता डीएसपी रामेश्वर कार्कीले <em>देखापढी</em>लाई बताए।</p>
<p>प्रहरीका अनुसार गोली प्रहारबाट घाइते साहलाई प्रहरीले अस्पताल पुर्‍याए लगत्तै उनको मृत्यु भएको हो। </p>
<p>साहलाई गोली प्रहार गर्ने प्रगतिनगरकै पंकज चौधरीलाई प्रहरीले पक्राउ गरेको छ।</p>
<p>ठेक्कापट्टासम्बन्धी विवादको क्रममा गोली हानिएको प्रारम्भिक अनुसन्धानबाट खुलेको प्रहरीले जनाएको छ। <br />
</p>
प्रतिक्रिया दिनुहोस्
.jpg)
