पाँच जिल्लाका प्रजिअ फेरिए
<p>काठमाडौं। गृह मन्त्रालयले पाँच जिल्लाका प्रमुख जिल्ला अधिकारीहरू हेरफेर गरेको छ।</p>
<p>मन्त्रालयका सहप्रवक्ता उमाकान्त अधिकारीका अनुसार रसुवा, नवलपरासी, बाजुरा, बैतडी र लमजुङका प्रजिअ फेरिएका हुन्।</p>
<p>उनका अनुसार हरि पन्तलाई रसुवाको प्रजिअ बनाएर पठाइएको छ भने त्यहाँका प्रजिअ अर्जुन भण्डारीलाई गृह मन्त्रालयमा ल्याइएको छ। सागरमणि पाठकलाई नवलपरासीमा सरुवा गरिएको छ। त्यहाँका प्रजिअ वासुदेव दाहाललाई गृह मन्त्रालयमा ल्याएको छ।</p>
<p>भोलिदेखि अनिवार्य अवकाश हुन लागेका लमजुङका प्रजिअ लक्ष्मण खड्काको ठाउँमा गृह मन्त्रालयका कृष्णप्रसाद शर्मालाई पठाइएको छ। </p>
<p>बाजुराका प्रजिअ गंगाप्रसाद न्यौपानेलाई त्रिभुवन विमानस्थल अध्यागमन कार्यालयमा ल्याइएको छ भने त्यहाँ कृष्ण गैरेलाई पठाइएको छ। </p>
<p>मोहन जोशीलाई बैतडीको प्रजिअ बनाइएको छ। त्यहाँका आनन्द पौडेललाई राष्‍ट्रिय विपद् जोखिम न्यूनीकरण तथा व्यवस्थापन प्राधिकरणमा ल्याइएको मन्त्रालयले जनाएको छ।</p>
प्रतिक्रिया दिनुहोस्
.jpg)
