कृषकसँग ३० हजार क्वीन्टल गहुँ किन्दै खाद्य कम्पनी
<p>काठमाडौं। खाद्य व्यवस्था तथा व्यापार कम्पनीले विभिन्‍न जिल्लाहरूबाट ३० हजार क्वीन्टल गहुँ किन्‍ने भएको छ।</p>
<p>सरकारले पहिलोपटक गहुँको समर्थन मूल्य तोकेपछि व्यापार कम्पनीले देशभरबाट ३० हजार क्वीन्टल गहुँ किन्न लागेको हो।</p>
<p>हाल सरकारले गहुँको समर्थन मूल्य प्रति क्वीन्टल तीन हजार १० रुपैयाँ तोकेको छ।</p>
<p>कम्पनीले सोही मूल्यमा हालसम्म धनगढी र बर्दियाका कृषकसँग पाँच हजार क्वीन्टल गहुँ खरीद गरिसकेको प्रवक्ता शर्मिला न्यौपाने बताइन्।</p>
<p>पछिल्लो समय कोरोना भाइरस संक्रमणको जोखिम बढेसँगै रोकिएको खरीद प्रक्रिया पुन शुरू हुन लागेको उनको भनाई छ।</p>
प्रतिक्रिया दिनुहोस्
.jpg)
