वाणिज्य विभागले २६९ व्यवसायीलाई वितरण गर्याे सवारी पास
<p>काठमाडौं। वाणिज्य, आपूर्ति तथा उपभोक्ता संरक्षण विभागले २६९ व्यवसायीलाई सवारी पास वितरण गरेको छ।</p>
<p>विभागले ४ जेठदेखि लकडाउनमा व्यवसाय सञ्चालन गर्न चाहने व्यवसायीहरूलाई सवारी पास वितरण गर्दै आएको छ।</p>
<p>गृह मन्त्रालयले जारी गरेको सम्पूर्ण सवारी पास रद्द भएपछि विभागले पास वितरण गर्न थालेको हो।</p>
<p>वितरण शुरू गरेदेखि ८ जेठसम्ममा २६९ व्यवसायीले विभागबाट पास लिएका छन्।</p>
<p>यद्यपि आज वितरण भएको पासको सूची भने आइनसकेको विभागका निर्देशक रविन्द्र आचार्यले बताए।</p>
<p>लकडाउनमा अत्यावश्यक वस्तु, औषधि र औषधिजन्य वस्तु, पेट्रोलियम पदार्थ र पशुजन्य वस्तु सामग्री बोक्ने सवारीलाई भने पास आवश्यक पर्दैन।</p>
प्रतिक्रिया दिनुहोस्
.jpg)
